Киир

Киир

Бүгүн, Арассыыйа күнүгэр, ИДьМ эдэр үлэһиттэрэ бирисээгэ биэрдилэр. Үөрүүлээх тэрээһиҥҥэ Ил Дархан Айсен Николаев сырытта. Кини эҕэрдэ тылыгар ИДьМ сорох категориятын үлэһиттэригэр биир кэмнээх төлөбүр олохтоммутун туһунан иһитиннэрдэ.

Ол курдук, полиция тыһыынча кэриҥэ «сиргэ» үлэлиир боломуочунай участковайа уонна сокуоннай саастарын ситэ илик оҕолор дьыалаларын участковайдара, суол бэрээдэгин көрөр-истэр патруль, харабыл-конвой үлэһиттэрэ 90 тыһ. солкуобайтан саҕаланар кээмэйдээх төлөбүр ылыахтара. Онно барытыгар 100 мөл. солк. көрүллүөҕэ.

ИДьМ кэккэтигэр саҥардыы киирбит 20 полиция үлэһитин миниистир, полиция генерал-майора Владимир Прокопенко эҕэрдэлээтэ: «Норуокка сулууспалыыр олус сөптөөх идэни талбыккыт. Буруйу оҥорууну бохсор уонна дьоҥҥо көмөлөһөр санааны ылыммыккыт олус үчүгэй», - диэн кини эдэр дьону хайҕаата.

mvd14prisyaga

Сонун төрдө: СӨ Бырабыыталыстыбатын уонна Ил Дарханын пресс-сулууспата

Хаартыска: Андрей Сорокин

Санааҕын суруй

Бүтэһик сонуннар