Туймаада ыһыаҕыгар сылдьааччылар сылын ахсын Үс Хатыҥҥа суотабай сибээс хаппатыттан араас моһуогу көрсөөччүлэр. Ол иһин быйыл манна «Ростелеком» тэрилтэ түөрт сүрүн туочукалаах босхо Wi-Fi үлэтин хааччыйар буолла. Онон ыһыахха бэйэ-бэйэни сүтэрсии аҕыйыа диэн эрэнэбит.
Информационнай технология киинэ иһитиннэрбитинэн, Wi-Fi ситимигэр холбонуу Кымыс түһүлгэтигэр, ипподромҥа, успуорт уонна атыы-эргиэн былаһааккаларын аттыгар баар буолуо. Бары туһаналларын курдук биир холбонууга 10 мүнүүтэ бэриллиэҕэ.
Босхо Wi-Fi ситимигэр үс ньыманан бэлиэтэнэн холбонуохха сөп. Сиһилии бу сигэнэн киирэн көрүөххэ сөп здесь.
Сонун төрдө: Туймаада ыһыаҕын тэрийэр кэмитиэт.
