Бэҕэһээ, Туймаада ыһыаҕын иккис күнүгэр, Үс Хатыҥҥа “Ситим” медиа-бөлөх уонна “Кыым” хаһыат түһүлгэтигэр РФ үтүөлээх суруналыыһа, “Ситим” медиа-бөлөх генеральнай дириэктэрэ Владимир Степанов“Суруллубут – суоруллубат: Айсен Николаев олоҕу көрүүтэ уонна кини үлэтин туһунан санаалар”диэн кинигэтэ сүрэхтэннэ.
Кинигэҕэ ааптар Ил Дархан Айсен Николаевтан уон сыл устата, Дьокуускай куораты салайан олоруоҕуттан билиҥҥи кэмҥэ диэри, ылбыт интервьюлара киирдилэр, ону таһынан кинини салайааччы быһыытынан, үлэтин кэтээн көрүү майгытынан Мандар Уус, Ульяна Винокурова, Андрей Борисов, Андрей Федотов уонна да атын ытык-мааны дьоммут санааларын суруйдулар.
Тэрээһиҥҥэ Саха сирин Ил Дархана Айсен Николаев кытынна. Кини кинигэни таһаарыыны көҕүлээбит, тэрийбит бар дьон дьокутаатыгар Мария Христофороваҕа уонна уон сылы быһа интервью биэрбит ытыктыыр суруналыыһыгар Владимир Степановка ис сүрэҕиттэн махтанна.
“Кыым” хаһыаты сыл иккис аҥаарыгар суруппут дьон бу кинигэни кэлэр ыйга хаһыаты кытта бэлэх тутуохтара.
Бэйэ кэр.
