Олоҥхо ыһыаҕын кэмигэр “Халыма” федеральнай суол Аллараа Бэстээхтэн Өймөкөөн Томторугар диэри кэрчигэр быыһыыр сулууспа анал пууннарын тэрийиэхтэрэ.
Ол курдук, пууннары ордук мөлтөх суоллаах-иистээх сирдэргэ туруоруохтара. Быһыыр сулууспа Саха сиринээҕи салаатыгар быһаарбыттарынан, пууннарга үлэлиир исписэлиистэр бары наадалаах, ыксаллаах түгэҥҥэ туттуллар тэрилинэн-оборудованиенан толору хааччыллыахтара.
Быыһааччылар пууннарын “Халыма” федеральнай суол маннык кэрчиктэригэр тэрийиэхтэрэ:
- Мэҥэ Хаҥалас Аллараа Бэстээҕиттэн Томпоҕо Алдан өрүһү туоруур сиргэ диэри (ити кэрчик уһана – 390 км);
- Хаандыга бөһүөлэгиттэн Күбэмэ учаастакка диэри (ити кэрчик уһуна – 354 км);
- Күбэмэттэн Өймөкөөн Томторугар диэри (уһуна – 260 км).
Айан-сырыы кэмигэр суһал көмө наада буолар кыһалҕата тирээтэҕинэ, суһал көмөнү ыҥырар 112 эбэтэр (84112) 45-90-19 уонна (84112) 40-56-22 нүөмэрдэргэ эрийиэххэ сөп.
Санаттахха, быйылгы Олоҥхо ыһыаҕа от ыйын 1 уонна 2 күннэригэр Өймөкөөн улууһун Томтор бөһүөлэгэр ыытыллыахтаах.
Хаартыска: Sergeydolya
