Бу сыл балаҕан ыйын 1 күнүттэн Дьокуускайга “Синергия” университет цифровой идэлэргэ бэлэмниир колледжа үлэтин саҕалыаҕа. Колледж ИТ-технологияларга уонна креативнай индустрия салааларыгар: программированиеҕа, анимацияҕа, графическай дизайҥҥа уонна цифровой маркетиҥҥа үөрэтиэҕэ.
Колледжка 9-с эбэтэр 11-с кылаас кэннэ туттарсан киириэххэ сөп.
“Биһиги ИТ-технологияларга үлэлэһэбит, ол аата – анимация, графическай дизайн, цифровой маркетинг курдук креативнай индустриянан уонна программированиенан дьарыктанабыт.
Быйылгы сылга 200 устудьуону ыларга былаанныыбыт, кэлэр икки сылга бу ахсааны 400-кэ тиэрдэр былааннаахпыт. Итинник гынан 1000 үөрэнээччигэ диэри тиэрдиэхпит. Өссө инникитин сирэй даҕаны, кэтэхтэн даҕаны үөрэниэххэ сөп буолуо, ону тэҥэ туох ирдэнэриттэн көрөн атын хайысхалар эбиллиэхтэрэ”, – диэн “Синергия корпорация эрэгийиэннэрдээҕи колледжтара” бырайыак салайааччыта Александр Тетерюк иһитиннэрдэ.