Быйыл Саха сирин киин куората 391 сааһын «Үлэ килбиэнин куората» ааттаах көрсөр. Куорат күнүн бэлиэтээһин Арассыыйаҕа Педагог уонна уһуйааччы сылын, Саха сиригэр Үлэ сылын чэрчитинэн ааһыаҕа.
Бырааһынньыктааҕы тэрээһиннэр балаҕан ыйын 2 күнүттэн 10 күнүгэр диэри (ала-чуо быыбар бүтүөр диэри) буолуохтара. Сүрүн тэрээһиннэр балаҕан ыйын 8 - 10 күннэригэр 5 былаһааккаҕа – Былыргы куоракка, Култуура уонна сынньалаҥ пааркатыгар, Орджоникидзе болуоссатыгар, Карл Маркс аатынан искибиэргэ, Кыайыы болуоссатыгар ыытыллыахтара. Балаҕан ыйын 8 күнүгэр Кыайыы пааркатыгар ыччакка аналаах бырагыраама буолуоҕа. Үгэс быһыытынан, Кыайыы болуоссатын үрдүнэн улахан фейерверк кыыратыахтара.
Дьокуускай куорат төрүттэммитэ 391 сылыгар аналлаах тэрээһин тосхоло yakutskcity.ru. аан ситимҥэ тахсыаҕа.
Эрэдээксийэттэн: Анал байыаннай дьайыыларга өлүү-сүтүү бөҕө тахса турдаҕына, маннык улахан, тыастаах-уустаах бырааһынньыгы тэрийии төһө сөптөөҕө буолла...
Сонун төрдө: Дьокуускай куорат уокуруктааҕы дьаһалтатын пресс-киинэ.
