Киир

Киир

Былырыын атырдьах ыйын 27 күнүгэр Амма улууһун баһылыга Николай Архипов олохтон туораабыта. Кини, 2015 сылтан төрөөбүт дойдутугар баһылыгынан талыллан, үтүө суобастаахтык үлэлээбитэ, бар дьоҥҥо сырдык эрэ өйдөбүлү хаалларбыта.

Бастыҥ салайааччыны, үтүө киһини кэриэстээн, «Өлүөнэтээҕи холбоһуктаах өрүс пароходствотын» (ЛОРП) салалтата «РТ-776» буксирга Николай Архипов аатын иҥэрэргэ быһаарда. Бу чычааска сылдьарга аналлаах буксир Аммаҕа таас чоҕу тиэйэр. Онон, мантан ыла аммалар «Слобода» бириистэҥҥэ «Николай Архиповы» көрөр буолуохтара.  

Nikolay Arxipov

Буксиры уопуттаах үлэһит Владимир Соболев ыытар. Кини Николай Архипов улууһу таас чоҕунан хааччыйыыны үчүгэйдик сүрүннээн сылдьыбытын бэлиэтээтэ. Николай Архипович кэргэнэ Оксана ЛОРП салалтатыгар, чуолаан норуот дьокутаата Сергей Ларионовка ис сүрэҕиттэн махтанна.

«Николай Архипов» Амма дьонугар эрэ буолбакка, бүтүн Арктика олохтоохторугар тыын суолталаах таһаҕаһы тиэрдиэҕэ.

Сонун төрдө: ЛОРП пресс-сулууспата  

Санааҕын суруй

Бүтэһик сонуннар