Дьокуускайга анал байыаннай дьайыы ыытыллар сириттэн кылгас уоппускаҕа ДНР-га Саха сирин тирэх пуунун волонтера, СӨ уопсастыбаннай палаататын кыттыылааҕа, икки оҕотун СВО-ҕа атаарбыт ийэ Марина Бахилина кэллэ.Кинини үрдүкү салалта бэрэстэбиитэллэрэ, «Берегиня» киинтэн кэллиэгэлэрэ көрүстүлэр.
«Мин Донецкай норуодунай өрөспүүбүлүкэҕэ 6 ый волонтерунан үлэлээтим. Байыаннай сулууспалаахтары уонна тирэх пуун байыастарын күҥҥэ үстэ аһылыгынан хааччыйар эбээһинэстээх этим. Ону сэргэ утарыта турсуу лииньийэтигэр гуманитарнай көмөнү тиэрдэ барааччыбын. Биһигини Өрөспүүбүлүкэ салалтата уонна Биир кэлим сүрүннүүр киин күүскэ өйүүллэр. Тыл уонна фронт ситимэ быстыбат. Дойдубар эргиллэн, сүрэҕим дьолунан туолла», – диэн Марина Бахилина үөрүүтүн үллэһиннэ. Кини этэринэн, инники кирбиигэ сылдьар байыастар гуманитарнай көмө, чугас дьонноруттан сонун кэлэрин олус күүтэллэр, бэйэ балыгын, чэйин туттахтарына олус үөрэллэр эбит.
Волонтер икки уола билигин анал байыаннай дьайыыларга ВДВ кэккэтигэр өстөөх кимэн киириитин тохтотууга сылдьаллар. 2022 сыл сэтинньитигэр Арассыыйа бэрэсидьиэнэ Владимир Путины кытта көрсүһүүгэ Марина Бахилина фроҥҥа волонтерунан барар баҕалааҕын эппитэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
