СӨ ИДьМ силиэстийэлиир управлениетын силиэдэбэтэлэ өрөспүүбүлүкэ тыа хаһаайыстыбатынан дьарыктанар кээпэрэтиибин 32 саастаах салайааччытыгар өрөспүүбүлүкэ бүддьүөтүттэн субсидия быһыытынан бэриллибит 6 мөлүйүөнтэн тахса солкуобайы хорон сиэбитин туһунан холуобунай дьыала тэрийдэ.
Билигин биллэринэн, 2021 сыл бэс ыйыгар уорбаланааччы тэрилтэтин аатыттан СӨ Тыа хаһаайыстыбатын кытта 100 төбөлөөх ыанньыгы тутууга уонна хааччыйыыга көрсүбүт ороскуотун саптараары сөбүлэҥ түһэрсибит. Онуоха, полиция үлэһиттэрэ туох да үлэ барбатаҕын быһаардылар. Фигурант субсидия ылаары сымыйа докумуоннары туттарбыта билиннэ. Оттон ылбыт харчытын сиэбигэр уктубут.
РФ Холуобунай кодексын 159 ыстатыйатын 4 чааһынан тэриллибит холуобунай дьыала Дьокуускайга уонна Үөһээ Бүлүүгэ силиэстийэлиир дьайыылара уонна суһал көрдүүр тэрээһиннэр бара тураллар. Дьэндьиир түмүгэр докумуоннары, информациялаах тэриллэри, ону кытта 2,2 мөл. тахса сууммалаах үбү-харчыны буллулар. Силиэстийэ салҕанар.
Сонун төрдө: СӨ ИДьМ пресс-сулууспата
