Саха сирин киин быыбардыыр хамыыһыйатын бүгүҥҥү иһитиннэриитинэн, боротокуол 96,3% ааҕыллыбытын кэннэ Ил Түмэҥҥэ киирэр баартыйалар өлүүлэлэрэ билиннэ. Куоластааһын бырыһыана маннык буолла:
«Биир ньыгыл Арассыыйа» – 54,36%, «Саҥа дьон» – 14,017%, КПРФ – 13,16%, «Сиэрдээх Арассыыйа – Кырдьык иһин» – 9,39%, ЛДПР – 5,39%. Онон, былаас баартыйата парламеҥҥа 33 дьокутааты киллэрэр буолла. Атын баартыйалартан киириэхтээх 35 парламентарий аата куоластары ааҕыы бүттэҕинэ уонна салалталара быһаардаҕына биллиэҕэ.
Оттон билигин Саха сирин парламеныгар бастакытын киирбит бэһис баартыйа - «Саҥа дьон» 5 мандаты ылбыта биллэр. Онно Василий Николаев, Алексей Корнилов, Александр Иванов, Ньургуйана Заморщикова, Никита Тимофеев тигистилэр. Кинилэри кытта Ил Түмэҥҥэ Ленскэйтэн биир мандаттаах Наталья Сидоркина ааһар.
Сонун төрдө: Ил Түмэн пресс-сулууспата
