Балаҕан ыйын 26 күнүгэр Аллараа Бэстээх бөһүөлэгэр Аҕа дойду сэриитин түгэннэрин көһө сылдьан көрдөрөр «Кыайыы поеһа» быыстапкалаах түмэл кэлиэҕэ.
Поезд икки күннээх тохтобул кэннэ балаҕан ыйын 28 күнүгэр салгыы айанныаҕа. Онтон Нерюнгри куоракка балаҕан ыйын 30 күнүттэн алтынньы 2 күнүгэр диэри үлэлиэҕэ. Поезд тимир суол вокзалларын аттыгар туруоҕа. Барыта 10 вагон тухары экспозиция тардыллыбыт. Олор истэригэр байыаннай трибуналга анаммыт саҥа вагон баар. Манна нацистыы Германия уонна милитаристыы Япония өлөрүөхсүттэрин «тыыннаах» скульптураларын хаартыскаларынан сирдэтэн оҥорбуттар.
Быыстапканы көрүөн баҕалаахтар, поездпобеды.рф саайка киирэн булгуччу бэлиэтэнэн, элэктириэн билиэт ылыахтаахтар. Бэлиэтэнии састаап айаннаан тиийиэ биир хонук иннинэ саҕаланар. Быыстапкаҕа 6+ саастаах оҕолору эрэ көҥүллүүллэр. Көрүөн баҕалаах элбэх буолан, босхо билиэт тута бүтэр эбит. Бөлөхтөр биэс мүнүүтэ арыттаах киирэллэр, онон ыйыллыбыт кэмтэн арыый эрдэ кэлэр ордук.
Билиэккэ тииспэтэх буоллаххытына, 3D туру поездпобеды.рф. саайка киирэн онлайн көрүөххүтүн сөп.
27.09.2023 – 10.00 ч. 19.00 ч. диэри, бүтэһик бөлөх 18:20
28.09.2023 – 10.00 ч. 19.00 ч. диэри, бүтэһик бөлөх 18:20
29.09.2023 –10.00 ч. 19.00 ч. диэри, бүтэһик бөлөх 18:20
30.09.2023 – 10.00 ч.19.00 ч. диэри, бүтэһик бөлөх 18:20
01.10.2023 – 10.00 ч. 19.00 ч. диэри, бүтэһик бөлөх 18:20
02.10.2023 – 10.00 ч. 19.00 ч. диэри, бүтэһик бөлөх 18:20
Сонун төрдө: СӨ Бырабыыталыстыбатын уонна Ил Дарханын пресс-сулууспата
