Ил Дархан Айсен Николаев Саха Өрөспүүбүлүкэтин Бастакы Бэрэсидьиэнэ Михаил Николаевка аналлаах мемориальнай комплекс бырайыагын оҥорууга архитектурнай-уус-уран аһаҕас күрэһи тэрийэн ыытарга ыйаах таһаарда.
Күрэһи Ил Дархан иилиир Архитектура уонна куораты тутуу управлениета буолар. Күрэскэ архитектура уонна монументальнай ускуустуба айымньыларын, куорат дизайнын оҥорууга билиилээх уонна сатабыллаах биирдиилээн дьон эбэтэр айар бөлөхтөр кыттыахтарын сөп.
Үлэлэри тутуу аһаҕас күрэс туһунан биллэрии киэҥ эйгэҕэ тахсыаҕыттан 60 күн устата туталлар. Быһаарар суруктаах бырайыактары кумааҕынан эбэтэр электроннай көрүҥүнэн (pdf, ppt, jpg) Дьокуускай к., Аммосов уул, 8-с дьиэтин 202-с кэбиниэтигэр эбэтэр Этот адрес электронной почты защищён от спам-ботов. У вас должен быть включен JavaScript для просмотра. аадырыстарынан туталлар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
