Жумарт Абильманов Ленскэй оройуон баһылыгынан иккитэ - 2017 уонна 2022 сылларга талыллыбыта. Алтынньы 2 күнүгэр кини дуоһунаһыттан уурайарын туһунан биллэрдэ диэн дьаһалта пресс-сулууспата суруйар.
Кини оройуон социальнай-экономическай сайдыытыгар уонна дьон кыһалҕатыгар ураты болҕомтону уурарын, ол түмүгэр олох таһыма биллэ тупсан, оройуон Саха сирин олохтоох салайыныы уорганнарын ортотугар инники күөҥҥэ сылдьарын бэлиэтииллэр.
Жумарт Жакслыкович нэһилиэнньэлээх пууннарга элбэхтик айанныыр, дьону кытта элбэхтик кэпсэтэр, көмө көрдөөччүгэ өрүү көмөлөһөр этэ диэн ахталлар. Жумарт Абильманов 6 сыл устата быыбардааччылар туруорбут үтүмэн элбэх соруктарын толорбут. Кини үлэтин үтүө түмүктэрэ өссө да өр кэмҥэ туһалыы туруохтара диэн эрэнэллэр.
Бэйэ кэр.
