Бүгүн Опера уонна балет тыйаатырыгар РФ Бэрэсидьиэнэ Владимир Путин ыйааҕынан Арассыыйа Дьоруойа буолбут Дмитрий Егоровы тиһэх суолугар атаарыахтара.
Санатар буоллахха, 155-с Жуков уордьаннаах муора пехотатын биригээдэтин рядовойа, Сунтар диэн позывнойдаах Дмитрий Егоров соҕотоҕун ДНР Новомайорское нэһилиэнньэлээх пуунун аттыгар өстөөх баһыйар күүһүн утары кыргыһыыга ВСУ штурмалыыр бөлөҕүн аҥаарын суох гыммыта уонна чугуйарга күһэйбитэ.
Бэҕэһээ Ил Дархан Айсен Николаев Дмитрий аҕатын, бииргэ төрөөбүттэрин кытта көрүстэ. Кинини дойдутугар илдьэн ийэтин аттыгар харайыахтара. Дьоруой аҕата Николай Алексеевич Егоров Сунтаар улууһун Уһун Күөл нэһилиэгин ытыктанар киһитэ. Кини Уһун Күөл нэһилиэгэр үйэ аҥаара оскуола дириэктэринэн, баһылыгынан үлэлээбит улахан үтүөлээх.
Сонун төрдө: СӨ Бырабыыталыстыбатын уонна Ил Дарханын пресс-сулууспата
