«Экология» национальнай бырайыак «Кытаанах хомунаалынай тобохтору дьаһайар тиһик» региональнай бырайыагынан Дьокуускай к. аттыгар бөҕү дьаһайар полигон тутулла турар. Эбийиэк сылга 132 тыһ. туонна бөҕү дьаһайар буолуоҕа.
Полигону үлэҕэ киллэрии икки түһүмэҕинэн барыахтаах. Билигин полигон бастакы түһүмэҕэ үлэҕэ киирэргэ 99 % бэлэм буолбут. Аны ирдэнэр докумуоннары бэлэмнииллэрэ хаалла.
Маны кытта бөҕү сүөкээн баран арааран полигоҥҥа ыытар ыстаансыйаны тута сылдьаллар. Ыстаансыйа 2024 сыл бүтүүтэ үлэҕэ киириэхтээх.
Сонун төрдө: СӨ ОДьКХ уонна энэргиэтикэ министиэристибэтэ
