Бэҕэһээ, ол аата алтынньы 10 күнүгэр, Санкт-Петербург куоракка Арассыыйа минералогияҕа кэмпириэнсийэтэ буолан ааста.
Манна «Амгаит» диэн саҥа минералы (таллий уонна теллур хобоһуга) арыйбыт геология билимин тоҕус учуонайын бөлөҕөр дьупулуом туттардылар. Бу тоҕус учуонайтан үһэ – сахалар: Анисимова Галина Семеновна, Кондратьева Лариса Афанасьевна, Кардашевская Вероника Николаевна. Төрдүс учуонай Соколов Евгений Павлович «Якутскгеология» - сүрүн геолога. Кини 2015 с. институкка Амма өрүс төрдүгэр көстүбүт амгаит бастакы боруобатын аҕалбыта.
Чопчулуур буоллахха, Л.А. Кондратьева, В.Н. Кардашевская – иккиэн Галина Анисимова аспырааннара. Эбэн этэххэ, Галина Семеновна саха икки аатырбыт дуобаччыта Николай уонна Герман Стручковтар төрөппүт ийэлэрэ.
Сонун төрдө: Уйбаан Самаайап телеграм-ханаала
