Ил Дархан Айсен Николаев өрөспүүбүлүкэ олохтоохторугар эһиил сайын Дьокуускайга буолуохтаах VIII Норуоттар икки ардыларынааҕы «Азия оҕолоро» успуорт оонньууларын талисманнарыгар - сэлии оҕотугар уонна моҕотойго - аат толкуйдуурга күрэс биллэрдэ.
Күрэскэ киһи өйүгэр дэбигис киирэр уонна сонун ааты: сэлии оҕотугар - уол киэнин, оттон моҕотойго - кыыс киэнин толкуйдуур ирдэнэр. Төһө баҕарар ааты толкуйдаан ыытыаххытын сөп. Этиилэргитин Ил Дархан https://vk.com/aisennikolaev14 эбэтэр «Азия оҕолоро» оонньуулар https://vk.com/gamesasia социальнай ситимнэригэр алтынньы 23 күнүгэр диэри ыытыаххытын сөп.
Киирбит этиилэртэн 3 бастыҥ барыйааны талыахтара. Маны сэргэ ыйыллыбыт ситимнэргэ куоластааһын барыаҕа. Кыайыылаахтары «Азия оҕолоро» оонньууларга анаан оҥоһуллубут бородууксуйанан наҕараадалыахтара. Оҕо успуордун добун түһүлгэтэ бэс ыйын 25 күнүттэн от ыйын 7 күнүгэр диэри ыытылларын санатабыт.
Сонун төрдө: СӨ Бырабыыталыстыбатын уонна Ил Дарханын пресс-сулууспата.
