Бүгүн «Көр, бу Арассыыйа!» оскуола оҕолорун күрэҕин саҥа сезона саҕаланна. Бырайыак төрдүс төгүлүн ыытыллар.
Манна сыл ахсын 27 тыһ. тахса оскуола үөрэнээччитэ кыттар. Быйылгы күрэс тиэмэтэ – «Мин Дойдум. Мин Устуоруйам». Онон, эдэр блогердар ийэ дойдуларын устуоруйатыгар бэлиэ суолу хаалларбыт чахчылар, ситиһиилэр, лиичинэстэр туһунан видеоролик уһулуохтаахтар.
Күрэскэ бэлиэтэнии алтынньы 17 күнүттэн сэтинньи 19 күнүгэр диэри https://lookitsrussia.ru/registratsiya/ порталга барыаҕа. Оттон видеороликтары ылыы алтынньы 23 күнүгэр саҕаланыаҕа. Аһаҕас куоластааһын түмүгүнэн кыайыылаах буолбуттар сыаналаах бириистэри тутуохтара. Күрэс сонуннарын https://lookitsrussia.ru/ ааҕыаххытын сөп.
«Көр, бу Арассыыйа!» күрэс аан бастаан 2020 сыллаахха оҕо хамсааһыннарын көхтөөх кыттыылаахтарын көҕүлээһиннэринэн ыытыллыбыта. Бу бырайыагы Саха сирин Ил Дархана, РФ Үөрэҕириитин министиэристибтэ уонна араас ыччат тэрилтэлэрэ өйөөбүттэрэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
