Сыл бүтүөр диэри Эдьигээн уонна Булун улуустарыгар өссө икки атыы-логистика киинин үлэҕэ киллэриэхтэрэ. Эбийиэктэр Арктика олохтоохторун тыын суолталаах удамыр сыаналаах табаарынан хааччыйар уонна бородууктаны сэргэ оҕуруот аһын харайар соруктаах тутуллаллар.
Маннык атыы-логистика кииннэрин тутуу Ил Дархан «СӨ Арктикатааҕы зонатын 2035 сылга диэри социальнай-экэнэмиичэскэй сайдыытын туһунан» Ыйааҕын толоруу иитинэн тэриллэллэр. Айсен Николаев сорудаҕынан 2025 сыл бүтүүтэ маннык кииннэр өрөспүүбүлүкэ 13 оройуонугар баар буолуохтаахтар.
Билиҥҥи туругунан, Абый улууһун Үрүҥ Хайа бөһүөлэгэр, Усуйаана улууһун Уус Куйга бөһүөлэгэр, Аллараа Халыма улууһун Черскэй бөһүөлэгэр, Анаабыр улууһун Сааскылаах сэлиэнньэтигэр, Үөһээ Халыма улууһун Зырянка бөһүөлэгэр – барыта 6 атыы-логистика киинэ үлэҕэ киирэн тураллар.
Сонун төрдө: СӨ Бырабыыталыстыбатын уонна Ил Дарханын пресс-сулууспата