Доруобуйа харыстабылын уопуттаах тэрийээччитэ Владимир Богдашин салайааччылаах быраастар бөлөхтөрө Уһук Илиҥҥи уокурук байыаннай госпиталларыгар эмтэнэ сытар бааһырбыт байыастарбытыгар көмөлөһө көттө. Ол туһунан өрөспүүбүлүкэ доруобуйа харыстабылын миниистирин бастакы солбуйааччыта Дмитрий Сергин кэпсээтэ.
Кини иһитиннэрбитинэн, Горнай улуустааҕы киин балыыһатын травматолог бырааһа уонна Өрөспүүбүлүкэтээҕи психоневрологическай диспансер психиатра бааллар. Манна даҕатан, саха быраастара байыастарга туһааннаах көмөнү төрөөбүт тылларынан оҥороллоро сүҥкэн суолталаах диэн бэлиэтиибит.
Сонун төрдө: СӨ Бырабыыталыстыбатын уонна Ил Дарханын пресс-сулууспата
