Чурапчы сэлиэнньэтигэр саҥа тутулла турар балыыһа комплексыгар саҥа магнитнай-резонанснай томограбы туруоран эрэллэр. Бу аппарат ыарыыны, аневризмтан саҕалаан искэҥҥэ тиийэ, суһаллык быһаарарга көмөлөһүө. Билигин олохтоохтор МРТ-га түһээри киин куоракка киирэргэ күһэллэллэр.
Саҥа балыыһа үлэҕэ киирэргэ 82% бэлэм. Манна күҥҥэ 100 киһини көрөр поликлиника, 23 миэстэлээх терапия салаата, дьахтар уонна оҕо консультацията, тиис оҥорор уонна реабилитация салаата баар буолуохтара. Маны таһынан хаһаайыстыбаннай блокка туспа бокстаах, гаражтаах, ыскылааттаах суһал көмө салаата киириэхтэрэ.
Чурапчытааҕы киин балыыһа сүрүн бырааһа Николай Сивцев иһитиннэрбитинэн, МРТ аппаракка ыалыы улуус дьоно эмиэ түһэ кэлиэхтэрэ. Балыыһа аһыллыытын кэлэктиип уонна олохтоохтор олус күүтэллэр.
Сонун төрдө: СӨ Бырабыыталыстыбатын уонна Ил Дарханын пресс-сулууспата
