Дьокуускай к. Норуоттар доҕордоһууларын дьиэтигэр анал байыаннай дьайыыларга кыттан кэлбит 30 казакка уонна сүтүктэммит дьиэ кэргэннэргэ Саха сирин казактарын полката төрүттэммит үбүлүөйүнэн өйдөбүнньүк мэтээллэри туттардылар.
Атаман Александр Козырь бэлиэтээбитинэн, анал байыаннай дьайыыларга Саха сирин казактарын полкатыттан үс этэрээт уонна ыҥырыллан барбыт казактар кытта сылдьаллар. Баҕа өттүнэн барар казактартан төрдүс этэрээт хомуллан, сэтинньи 1 күнүгэр көтөөрү бэлэмнэнэр.
Тас сибээскэ уонна норуоттар дьыалаларыгар миниистир солбуйааччыта Татьяна Пяткина казактар кылаастарыгар дойдуга бэриниилээх буолууну иҥэрии ситиһиилээхтик барарын бэлиэтээтэ уонна махтал суруктары туттарда.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: Нарыйа Пахомова, ЯСИА
