Судаарыстыба кэтэбилэ туһаайыллар тулалыыр эйгэни киртитэр эттиктэр испииһэктэрэ кэҥээтэ. Ол курдук, РФ бырабыыталыстыбатын 2023 с. алтынньы 20 күнүнээҕи 2909 №-дээх дьаһалынан, салгыны, уу эбийиэктэрин уонна сири-уоту киртитэр эттиктэр испииһэктэригэр эбии 79 көрүҥ киирдэ:
- Ыарахан металлар уонна итилэр холбоһуктара (бериллий, барий карбонада)
- Углерод (хоруо)
- Натрий гидроксида (щелочь эбэтэр солох)
- Хлорвинил
- Абразивнай уонна асбестаах быыл
- Алюминийы оҥорон таһаарыы тобохторугар баар сымалалаах эттиктэр уонна да атыттар
Онон, 2024 сылтан бу эттиктэри быраҕыыга судаарыстыба кэтэбилэ туһаайыллыа. Ол эбэтэр, тэрилтэлэр судаарыстыбаттан көҥүл ылар буолуохтара, оттон быраҕыы кээмэйэ хааччахтаныа. Бу миэрэ олоххо сыыйа, тэрилтэлэр көҥүл ылар кэмнэрин учуоттаан, киириэҕэ.
Сонун төрдө: СӨ Экология, айылҕаны туһаныы уонна ойуур хаһаайыстыбатын министиэристибэтэ
