Ил Дархан Айсен Николаев сэтинньи 7 күнүгэр Саха Өрөспүүбүлүкэтин норуоттарын төрүт култуураларын күнүн олохтуур туһунан ыйаахха илии баттаата. Бу күн сыл ахсын ахсынньы бастакы өрөбүлүгэр бэлиэтэнэр буолуоҕа. Быйыл ахсынньы 3 күнүгэр түбэһэр.
Саха Өрөспүүбүлүкэтин норуоттарын төрүт култуураларын күнүн олохтуур этиини өрөспүүбүлүкэ национальнай-култуурунай холбоһуктарын, казачество уонна конфессиялар салайааччылара Ил Дарханы кытта сирэй көрсүһүүгэ бу сыл муус устарыгар киллэрбиттэрэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
