Киир

Киир

Госдумаҕа таска ыйанар суруктар, угуйук тиэкистэрэ, табаар аата, түөлбэлэр уонна олорор комплекстар ааттара нууччалыы суруллуохтаахтарын туһунан сокуон бырайыагын киллэрдилэр. SuperJob үрдүк хамнастаах үлэни көрдүүргэ көмөлөһөр тэрилтэ Саха сирин олохтоохторо ити этиини төһө өйүүллэрин ыйытык көмөтүнэн биллэ.

Ыйытыкка кыттыбыт дьон 51%-на  англия уонна атын омук тылларын утары ылыныллыахтаах сокуон бырайыагын өйөөтүлэр. Кинилэр: «Нуучча тылын харыстыах тустаахпыт»; «Дойдубутугар барыта өйдөнөр буолуохтаах» диэбиттэр. Хас төрдүс хоруйдааччы утарбыт (26%): «Хайыы үйэ киирбит ааттары уларытар оруна суох»; «Маннык көҕүлээһин бастакы буолбатаҕа сонньутар...»; «Маннааҕар буолуох үбүлээһини ирдиир хайысхалар бааллара буолуо эбээт, онтон ордор буоллаҕына эгэ эрэ дьарыктанныннар» диэн санаалаахтар. Оттон 23%: «Икки тылынан суруллара ордук» диэбиттэр.

Көҕүлээһини ордук 45 үөһэ саастаахтар өйөөбүттэр (72%). Англия тылын букатын билбэт дьон (65%) үчүгэйдик билэр дьоннооҕор (45%) ордук өйүүллэр эбит.  

Сонун төрдө: SuperJob

Сэҥээриилэр

Долгун
0 Долгун 08.11.2023 19:03
Бэйэбитигэр сахалыы аат элбиирэ буоллар. Ити сокуон регионнар тылларын учуоттуура дуу? Олох барыта нууччалыы эрэ булуохтаах курдук өйлөбүллээҕэ дуу? Онон саарбах соҕус сокуон буолуон эмиэ сөп.
Ответить

Санааҕын суруй

Бүтэһик сонуннар