«СӨ элбэх кыбартыыралаах дьиэлэрин хапытаалынай өрөмүөнүн пуондата» тэрилтэ иэстээх дьону кытта үлэни күүскэ ыытар. Кинилэргэ ый ахсын иэһи төлүүр туһунан ирдэбиллэр бараллар. Сорох ирдэбиллэр мировой судьуйаларга тиийэн көрүллэллэр.
2023 сыл сэтинньи 1 күнүнээҕи туругунан, бас билээччилэр ааттарыгар: 15 353 — физическэй сирэйгэ, 184 — юридическэй сирэйгэ хапытаалынай өрөмүөҥҥэ иэһи төлүүр туһунан 15 537 ирдэбил барда.
Сыл устата суут бириистэптэригэр 65 мөлүйүөнтэн тахса кээмэйдээх 3 000 тахса бирикээс ыытылынна. Иэс төлөммөт түгэнигэр бириистэптэр үбү-харчыны уонна бас билиини былдьыыр бырааптаахтар. Онон, Пуонда иэһи суукка тиэрдибэккэ төлүүргэ сүбэлиир.
Иэһи дуогабар түһэрсэн, ыйдарынан үллэрэн, сыыйа-баайа төлүөххэ сөп. Дуогабары түһэрсии кэннэ пени ааҕыыта тохтуур. Маны сэргэ, хапытаалынай өрөмүөн төлөбүрэ ый ахсын 10 чыыһыла иннинэ төлөнүөхтээҕин санатабыт. Пуонда 10 сыллаах үбүлүөйүнэн сибээстээн, сэтинньи 15 күнүттэн 31 күнүгэр диэри төлөбүрү пенины аахпакка ылаллар.
Сонун төрдө: СӨ элбэх кыбартыыралаах дьиэлэрин хапытаалынай өрөмүөнүн пуондата
