Ил Дархан Айсен Николаев сэтинньи 7 күнүгэр суруналыыстыка, экэниэмикэ уонна үп-харчы, култуура уонна ускуустуба эйгэлэригэр, өрөспүүбүлүкэ социальнай олоҕун уонна экэниэмикэтин сайдыытыгар үтүөлэрин, көхтөөх уопсастыбаннай уонна өр сыллаах эҥкилэ суох үлэлэрин иһин бочуоттаах ааттары иҥэрэр туһунан Ыйаах таһаарда.
Бу Ыйаахха «Ситим» медиа-бөлөх «Кыым» хаһыатын үс үлэһитэ киирдэ. Ол курдук, хаһыат кэрэспэдьиэнэ Федор Федорович Рахлеев "Саха Өрөспүүбүлүкэтин үтүөлээх суруналыыһа" үрдүк ааты сүктэ! Хаһыат шеф-эрэдээктэрэ Альберт Гаврильевич Капрынов Саха сирин Ил Дарханын грамотатын тутар буолла! Хаһыат кэрэспэдьиэнэ Туйаара Николаевна Сергеева - «Гражданскай килбиэн» бэлиэ хаһаайката!
Күндү бииргэ үлэлиир дьоммутун итиитик-истиҥник эҕэрдэлиибит уонна бары үтүөнү баҕарабыт!
«Ситим» медиа-бөлөх кэлэктиибэ.
