Айсен Николаев ВДВ анал соруктаах туспа гвардейскай биригээдэтигэр тиийэн чаас салалтатын кытта көрүстэ. Кини разведчиктар мэҥэ таастарыгар сибэкки ууруутугар кытынна, ол кэннэ FVP-дрон эпэрээтэрдэрин бэлэмниир кылаастары көрдө.
ВДВ анал соруктаах туспа биригээдэтэ полигоҥҥа FVP-дрону уонна чугас сири пилота суох чуҥнуур аппараттары туттар дьарыктары, ытар сэп бары көрүҥүн, гранатомет уонна таанканы утары ньымалары үлэлэтэн көрдөрдө. Маны таһынан, АГС, ПТРК, миномет курдук сэптэринэн хааччыллыбыт «Сокол» квадроцикыллары сүүрдэн көрдөрдүлэр. Саха сирин квадроцикылларын байыаннайдар үрдүктүк сыаналаабыттар.
«Тиэхиньикэни үс ый анараа өттүгэр туппуппут. Инники кирбиигэ куһаҕан суолга-иискэ иҥнибэккэ сылдьаллар эбит. Биһиги конструктордарбыт итиннэ эбии өстөөҕү тиэхиньикэҕэ олорон ытар АГС, ПТУР диэн сэптэри туруоран биэрбиттэрэ. Кыргыһыы кэмигэр квадроцикл ытыалыыр массыына уонна бааһырбыттары таһаарар, сэрии сэбин тиэрдэр тырааныспар быһыытынан туттуллар», — диэн хамандыыр Ил Дархаҥҥа кэпсээтэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
