Ил Түмэҥҥэ Алена Атласова салайааччылаах Социальнай бэлиитикэ, үлэлээх уонна дьарыктаах буолуу кэмитиэтин мунньаҕа буолан ааста. Манна «Өрөспүүбүлүкэтээҕи «Дьиэ кэргэн» ийэ хапытаалын туһунан сокуоҥҥа уларытыы киллэрэр бырайыагы көрдүлэр.
Бырайыакка элбэх оҕолоох дьиэ кэргэннэри өйүүр эбии миэрэлэр киирбиттэр. Ол курдук, 2024 сыл 1 күнүттэн «Дьиэ кэргэн» ийэ хапытаалын туһана илик дьиэ кэргэннэр 151 690 солк. оннугар 300 000 тыһыынчаны ылар буолалларын мэктиэлиир уларытыы баар. Маны сэргэ, хапытаалы чааһынай дьиэни тутууга сири атыылаһыы дуогабарынан туһаныы көрүҥун кэҥэтэр санаалаахтар.
Мунньахха өрөспүүбүлүкэтээҕи «Элбэх оҕолоох ыал статуһун туһунан» сокуоҥҥа уларытыы киллэрэр сокуон бырайыагын көрдүлэр. Манна анал байыаннай дьайыыларга сылдьан суох буолбут оҕолоох ыаллар элбэх оҕолоох статустарын уһатыы усулуобуйата чопчуланар. Маннык ыал статуһун кыра оҕолорун сааһыттан көрөн уһатар буолуохтара.
Кэмитиэт чилиэннэрэ көрүллүбүт сокуоннар бырайыактарын барытын ылынан Ил Түмэн көрүүтүгэр киллэрэргэ быһаардылар.
Сонун төрдө: Ил Түмэн пресс-сулууспата
