Хатаһынан Аллараа Бэстээххэ өрүһү туоруур суолу быһа холуйан ахсынньы 11 күнүгэр, оттон Кангалаһынан Бороҕоҥҥо туоруур суолу – ахсынньы 25 күнүгэр арыйыахтара. Арыйыы болдьоҕун халлаан туругуттан көрөн сыҕарытыахтарын сөп. Өрүһүнэн массыына сырыытын официальнайдык арыйа иликтэринэ, мууска тахсыы бобуулаах.
Бэҕэһээ, сэтинньи 20 күнүгэр, киэһэ 18:00 чаас саҕана салгын олбохтоох суудуналар сылдьар сирдэригэр Toyota Ipsum, ол кэннэ Mazda Bongo микроавтобус тимирдилэр. Дьолго, ким да суорума суолламмата. Ол курдук, «ЛенаВодСервис» салайааччыта Борис Строев иһитиннэрбитинэн, айаннаан испит түөрт киһини суудуна хапытааннара быыһаабыттар.
Сонун төрдө: СӨ массыына суолларын управлениета
