Киир

Киир

ИДьМ Силиэстийэлиир управлениетын Бөлөҕүнэн буруйу оҥорууну силиэстийэлиир чааһын силиэдэбэтэлэ Саха сиригэр олорор үс дьахтарга Холуобунай Кодекс 159 ыстатыйатын 4 чааһынан буруйу оҥорууга дьыала тэрийдэ.

Силиэдэбэтэллэр биэрсийэлэринэн, «Бюджетник» хампаанньа салайааччыта биир ааттаах тэрилтэлэри тэрийэн баран хааччыйар хампаанньалары кытта  хомунаалынай өҥөнү оҥорууга дуогабар түһэрсибит. Манна кини сүрүн бухгалтерын уонна билэр дьахтарын дириэктэринэн анаан кыттыһыннарбыт.   

Кинилэр элбэх кыбартыыралаах дьиэ олохтоохторуттан хомуйбут харчыларын өҥөнү оҥорооччуларга ыыппакка бэйэлэрэ туттубуттар. Ол түмүгэр, 9 мөл. солк. харчыны иҥэриммиттэр.  

Хампаанньа салайааччытын дьиэттэн тахсар көҥүлүн быстылар, оттон кыттыгастаахтартан атын сиргэ барбат уонна ирдэнэр бэрээдэги тутуһар туһунан баппыыска ыллылар.

Сонун төрдө: ИДьМ пресс-сулууспата