Киир

Киир

Госдума дьокутаата Нина Останина анал байыаннай дьайыыларга барар хаайыылаахтар уонна кинилэр босхолонууларын туһунан «Лента.ру» аан ситимҥэ санаатын эттэ.

«Холобура, каннибализм диэн ыар буруйу оҥорон хаайыллыбыт киһи босхолонно. Маннык ыстатыйанан буруйдаммыт киһи болдьоҕо туола илигинэ көҥүлгэ тахсыа суохтаах. Кини курдуктар сэрииттэн кэлэн баран дьоруой курдук сананаллар уонна салгыы сидьиҥ быһыылары оҥороллор», — диэтэ бэлиитик.

Сахалиҥҥа каннибализмҥа буруйданан хаайыыга киирбит Денис Горины СВО кыттыбытын кэннэ босхолоотулар. Кини бастакы сиэртибэтин 2003 с. өлөрөн баран сиэбитэ биллэр. Ол кэннэ араас сылларга өссө икки киһини өлөрбүт.

Оттон Арассыыйа үрдүнэн киһи тыыныгар туран хаайыыга барбыт киһи ахсаанын ааҕан сиппэккин. Олортон үгүстэрэ сэрииттэн кэлэн баран ыар буруйдары хаттаан оҥороллор.

Сонун төрдө: Лента.ру