Утум+ хампаанньа бөлөҕө «Арассыыйа эрэллээх тутааччыта – 2023» кыһыл көмүс бэлиэни ылла. Бу – олорор дьиэни тутуу эйгэтигэр биир биллэр уонна суолталаах наҕараада. Манна тиксээри, быйылгы күрэскэ үс сүүстэн тахса тэрилтэ кытынна. Олортон сэттэтэ - Саха сириттэн.
Наҕараадалары сэтинньи 22 күнүгэр Бүтүн Арассыыйатааҕы тутааччылар уонна тутуу матырыйаалын оҥорон таһаарааччылар саммиттарын чэрчитинэн Тюмень куорат Култуура дыбарыаһыгар үөрүүлээх быһыыга-майгыга туттардылар.
Кыһыл көмүс бэлиэни хамсаабат баай-дуол ырыынагар үлэлиир тэрилтэлэргэ өлүүлэһэн тутуу кыттааччыларын сокуоннай бырааптарын тутуһууга уонна интэриэстэрин көмүскээһиҥҥэ, дьиэни хойутааһына суох үлэҕэ киллэриигэ үрдүк ситиһиилэрин иһин биэрэллэр.
Сонун төрдө: https://utumplus.ru
