Ытык-мааны Сахабыт сирин олохтоохторо, ыраахтан-чугастан кэлбит ыалдьыттар!
“Вкус Якутии” гастрономическай бэстибээл чэрчитинэн, “Орто Дойду” эрэстэрээн 25 сылын көрсө, Олоҥхо декадатыгар анаммыт саҥа сэргэх бырайыакка – Гастрономическай тыйаатырга – кэлэн ыалдьыттыыргытыгар ыҥырабыт. Тэрээһин үс дьайыылаах буолуоҕа.
Бастакытынан, ыалдьыттарбытыгар анаан, эдэр, кэскиллээх повардарбыт Изабелла Андреева уонна Архип Попов 11 араас төрүт сахалыы аһы астаан көрдөрүөхтэрэ, хас биирдиилэрэ туохтан оҥоһуллалларын, астааһын технологиятын билиһиннэриэхтэрэ.
Иккиһинэн, ахсынньы 3 күнүгэр Василина Баланова Н.П. Бурнашев-Боодьоҕос “Кыыс Дэбилийэ” олоҥхотуттан, ахсынньы 14 күнүгэр Яна Нюргусова П.П. Ядрихинскай-Бэдьээлэ “Дьырыбына Дьырылыатта”олоҥхотуттан толорууларын истиэхпит.
Үсүһүнэн, түһүмэх сүрүн дьоруойдарынан ыалдьыттар буолаллар. Хас биирдии ыалдьыт тугу көрбүтүн, истибитин, амсайбытын туһунан тус санаатын сайа этиэҕэ.
Күнэ-дьыла:Ахсынньы 3 күнэ, 14.00 чаастанАхсынньы 14 күнэ, 19.00 чаастанУһуна 3 чаас.Буолар сирэ: “Орто Дойду” эрэстэрээн, Покровскайдыыр аартык 49 км.Билсэр төл.: +7 (914) 2-711-227