Булун улууһун Тиксии бөһүөлэгин олохтоохторо саҥа эргиэн-логистика киинэ (ТЛЦ) аһыллыбытыттан үөрүүлэрин үллэстэллэр. Бу өрөспүүбүлүкэҕэ сэттис бөдөҥ эбийиэк буолар. Оҕуруот аһын уурар сирдээх, сылаас уонна тымныы ыскылааттардаах, сойутар тэриллээх комплекс ас-үөл саппааһын хааччыйар, кэлбит бородууктаны уонна табаары сөптөөхтүк харайар кыахтаах.
«Бородуукта арааһа элбэҕин үөрэ көрдүм, – диир Тиксии олохтооҕо Елена Михайлова. – Саҥа маҕаһыыны наһаа астынным. Биһиэхэ даҕаны куоракка курдук барыта баар буолла».
Марианна Камынина бэлиэтээбитинэн, Тиксиигэ маннык киэҥ-куоҥ, сырдык атыы-эргиэн эбийиэгэ бастакытын аһыллыбыт. Оннооҕор бу күннэргэ үүнэ-тэһиинэ суох барбыт силлиэ маҕаһыын аһыллар кэмигэр тохтообут.
Анжелика Сухова маҕаһыыҥҥа күн устата иккиһин кэлбит. «Олохпор бастакытын сибиэһэй сымыыты атыыластым. Өссө атын бородууктаны ылаары массыынанан кэллим. Маннык киини толкуйдаабыт дьоҥҥо махтанабын», – диэтэ кини.
Билигин Саха сиригэр барыта сэттэ ТЛЦ үлэлиир: Усуйаана Уус-Куйгатыгар, Абый Үрүҥ Хайатыгар, Анаабыр Сааскылааҕар, Аллараа Халыма Черскэйигэр, Үөһээ Халыма Зырянкатыгар, Орто Халымаҕа уонна Булун Тиксиитигэр. Ахсынньыга Эдьигээҥҥэ аһыллыахтаах. 2025 сылга диэри маннык кииннэри Арктика бары 13 улууһугар тэрийиэхтэрэ.
Сонун төрдө: СӨ Бырабыыталыстыбатын уона Ил Дарханын пресс-сулууспата
Сэҥээриилэр
my blog post :: Flex Heat Portable Heater review: https://padlet.pics/1/proxy?url=http://neuronadvisers.com/Agreed%3FReturnUrl=http://anonymouse.org/cgi-bin/anon-www.cgi/http://sada-color.maki3.net/bbs/bbs.cgi%3F%26ar=106%26c=61
родной онлайн-сервис ;) Балконы застекление
цена: http://arkansaslabioplasty.com/__media__/js/netsoltrademark.php?d=youtu.be%2FbcB0PwAblYQ
world wide web for that purpose, and take the most recent news.
Review my blog Dior
pillow: https://wiki.evil-admin.com/index.php?title=User:AthenaCudmore6