Ахсынньы 12 күнүгэр Ыксаллаах быһыы-майгы министиэристибэтин Саха сиринээҕи управлениетыгар Дьокуускай куораттан 10-12 килэмиэтирдээх сиргэ икки киһилээх тыраахтыр муус анныгар түспүтүн туһунан иһитиннэрии киирбитэ. Айанньыттар тимирбиттэрэ биллибитэ. Манан муус халыҥа баара-суоҕа 15 сантымыатыр эбит.
Быыһааччылар тимирбит тыраахтыры 6 миэтирэ дириҥтэн дьоно суох буллулар. Айанньыттар люгунан тахсыбыт курдуктар, ол эрээри сүүрүгү кытта барсыбыттара сабаҕаланар. Быстахха былдьанааччылар күөгэйэр күннэригэр сылдьыбыт 1988 уонна 1980 сыллааҕы төрүөх эдэр дьон, Төхтүр сэлиэнньэтин дьаһалтатын үлэһитэ уонна тырахтарыыһа. Кинилэри өссө да көрдүү сылдьаллар.
Сонун төрдө: Ыксаллаах быһыы-майгы министиэристибэтин Саха сиринээҕи управлениета
