Киир

Киир

Дьокуускайга ахсынньы 15 күнүгэр үс сылаас оптуобус тохтобула арылынна. Тохтобуллар Ленин проспегар «Лена» киинэ тыйаатырын, «Доҕордоһуу болуоссатын» уонна «Киин» киинэ тыйаатырын аттыгар Орджоникидзе болуоссатын диэки барыыга тураллар.

Сылаас тохтобул иһигэр оптуобус маршруттарын, куорат картатын көрдөрөр блок, USB  ииттэрии уонна Wifi баар, полицияны ыҥырар кунуопка үлэлиир. Тохтобул  «Триплекс» таастан оҥоһуллубут, киирэр ааныгар сылытар сабыылаах, ону таһынан икки инфракыһыл сылытардаах, уоту харыстыыр сырдатыылаах.

Ыам ыйын 15 күнүгэр диэри тохтобулларга кондиционер туруоруохтара, онон сайын сөрүүн буолуоҕа. Тохтобуллары кытта Ленин проспегар навигационнай остуолбалары туруора сылдьаллар.

Сонун төрдө: Дьокуускай куорат уокуруктааҕы дьаһалтата