А.Н. Осипов аатынан Сорох бирэдимиэттэри дириҥэтэн үөрэтэр Бэрдьигэстээх орто оскуолата II Аан дойдутааҕы «Норуот дипломатиятын лидерэ» күрэс финалын лауреата буолла.
Манна барыта 30 – Арассыыйаттан 17 уонна Беларусьтан, Германияттан, Египеттэн, Индонезияттан, Испанияттан, Италияттан, Казахстантан, Молдоваттан, ОАЭ, Тунистан, Узбекистантан 13 барыйыагы көрдөрдүлэр. Дойду Бэрэсидьиэнэ Владимир Путин норуот дипломатията дойдулар икки ардыларыгар өйдөһүү үөскүүрүгэр улахан суолталаах диэн эппитин санатабыт.
Күрэһи Бэрэсидьиэн гранын пуондатын өйөбүлүнэн Арассыыйа норуоттарын ассамблеята, Бэрэсидьиэн иитинэн Нациялар икки ардыларынааҕы сыһыаннаһыы сүбэтэ, Судаарыстыбаннай Дуума нациялар дьыалаларыгар кэмитиэтэ кыттыһан тэрийэллэр.
Сонун төрдө: СӨ Бырабыыталыстыбатын уонна Ил Дарханын пресс-сулууспата
