Бу күннэргэ Дьокуускайга элбэх оҕолоохторго сир түҥэтэллэр. Учаастактары «Северный» кыбаарталга уонна Тулагы-Киллэм нэһилиэгин Киллэм сэлиэнньэтигэр биэрэллэр эбит.
«Сир сыһыаныгар ааҕыныстыба» МКУ салайааччыта Сергей Тимошенко барыта 106: Тулагы-Киллэмҥэ – 47, «Северный» түөлбэҕэ – 59 сир түҥэтиллэр диэн иһитиннэрэр. Дьокуускай куорат уокуруктааҕы дьаһалтата ити сирдэри толору хааччыйарга бэлэмнэнэ сылдьар сурахтаах. Буоларын курдук, барыта үчүгэй диэн кэпсэнии...
Онуоха Тулагы-Киллэмҥэ 2012 сыллаахха сир ылбыт элбэх оҕолоох ыаллар (быһа холуйан - 350 ыал) уонтан тахса сылы быһа сирдэрин кыайан туһаммакка сылдьаллара билиннэ. Ол эбэтэр, бэриллибит сирдэргэ аныаха диэри уот ситимэ да тардылла илик. Эгэ, гаас диэн кэлиэ дуо?
Ол кэмҥэ кураанах сирдэргэ нолуок төлөнө турар, ыал ороскуота оҕолору кытта тэҥҥэ улаатар, тутуу матырыйаалын сыаната хас да төгүл үрдүүр. Оттон «Куорат хаһаайыстыбатын туһаныы сулууспата» МКУ ити сирдэргэ уот-гаас киириитин билигин даҕаны эрэннэрбэт.
Оччотугар элбэх оҕолоохтор сирдэрэ уонтан тахса сыл кыайан оҥоһуллубатыгар ким эппиэттиир? Элбэх оҕолоохтор интэриэстэрин ким көмүскүүр?
Бэйэ кэр.
