Дьааҥы улууһун Остуолба сэлиэнньэтин олохтооҕо, анал байыаннай дьайыы кыттыылааҕа Николай Д. бэйэ дьарыктаах буолан хоруолук иитиитинэн дьарыктанан саҕалаата.
Анал байыаннай дьайыыттан эргиллэн кэлээт, Николай Нэһилиэнньэ дьарыктаах буолуутун киинигэр үлэ көрдүү тиийбит. Онно киниэхэ бэйэ дьыалатын тэринэргэ сүбэлээбиттэр уонна урбаан олуктарын үөрэтэр кууруска ыыппыттар. Николай, үөрэҕин бүтэрэн, хоруолуктары иитэр торумун ситиһиилээхтик көмүскээбит. Онон, 150 тыһ. солк. кээмэйдээх көмөнү ылбыт уонна бэйэ дьарыктаах буоларын бигэргэппит.
Ити харчынан 20 хоруолугу кытары комбикорм уонна от атыыласпыт, аһыыр, уулуур миэстэлээх килиэккэлэри туппут. Аны дьыалатын салгыы кэҥэтэн, биир дойдулаахтарын хоруолук этинэн уонна тириитинэн хааччыйар баҕалаах.
Сонун төрдө: СӨ Бырабыыталыстыбатын уонна Ил Дарханын пресс-сулууспата
