«Тааҥка наводчик-оператора, рядовой Уйбаан Сэмэнэп ВСУ позициятыгар кимэн киириигэ атын экипажтары кытта ситиһиилээхтик кыттан өстөөҕү куотарга күһэйдэ», - диэн РФ Оборонаҕа министиэристибэтин иһитиннэриитин «Бастакы ханаалга» кэпсээтилэр.
Тиэхиньикэни сатабыллаахтык салайан, өстөөх артиллериятын уонна минометун күүстээх охсуутун аахсыбакка, Уйбаан өстөөҕү уотунан сууһарда. Ол түмүгэр, биһиги танкистарбыт уотунан ытар икки уһун тыыннаах туочуканы уонна элбэх ахсааннаах өстөөх пехотатын суох гыннылар диэн министиэристибэ иһитиннэрдэ.
Бу кыргыһыыга өстөөх улахан састаабын сүтэрбит, оттон биһиги мотострелоктарбыт танкистар өйөбүллэринэн ВСУ тирэх пуунун ылбыттар. Тыыннаах ордубут боевиктар бэйэлэрин сирдэригэр куоппуттар.
Бэлиэр бойобуой мэтээллэрдээх байыаһы Суворов мэтээлинэн наҕараадалыырга түһэрдилэр диэн Военкоры Якутии телеграм-ханаалга суруйдулар.
Сонун төрдө: https://regnum.ru/news/3861340
