Бэҕэһээҥҥиттэн саҕалаан барыбытын 26 саастаах саха уолун 18 саастаах таджик уола өлөрбүтүн туһунан сурах аймаата. Үгүс саха дьоно, быһылаан ханна хайдах туохтан буолбутун үчүгэйдик быһаарсыбакка эрэ, тута таджик уолун буруйдаан бардылар. Сорох бэйэ омугун «көмүскэһээччилэр» таджиктары утары миитиннии тахсарга ыҥырдылар.
Дьиҥэр, түүҥҥү кулуупка кыыһырсыы кэннэ таджигы кытта мөккүспүт эдэр дьон уоскуйбуттара буоллар, маннык иэдээн тахсыа суох этэ. Ону баара өс санаалаах хаалбыт саха уола доҕотторун кучуйан 18 саастаах таджик уолун дьиэтигэр аахса тиийбит курдук суруйаллар. Оннук буоллаҕына, чааһынай бас билиигэ сэбилэнэн тиийбит киһи тута бэйэтэ буруйу оҥорооччу буола түһэр. Хайдаҕын да иһин, ким буруйдааҕын суут-сокуон сотору быһаарыа. Ону быһа түһэн аҥаардастыы омугунан көрөн буруйдуур сатаммат.
Онуоха саха-таджик айдаанын иннинэ биир эдэркээн саха уолун икки саха эрэтэ подъезтарынан соһо сылдьан сидьиҥник кырбыыр видеолара тарҕаммыта. Хомойуох иһин, бу быһылааҥҥа буруйдаахтары кытаанах миэрэҕэ тардары биир даҕаны эр киһи ирдэспэт.
Бэйэ кэр.
