Кэнники сылларга Сахабыт сирин олохтоохторо сылаас дойдуга үүнэр сэдэх үүнээйилэри: оҕуруот аһын, фруктаны, сибэккини үүннэрэр буоллулар. Манныкка киһи эрэ барыта холоммот.
Ол иһин «Кыым» хаһыат уонна «Кыым.ру» аан ситим сылаас дойду үүнээйилэрин үүннэрэр сэдэх дьарыктаах дьону көрдөөн булар, киэҥ эйгэҕэ таһаарар, кинилэр арыйыыларын, ситиһиилэрин, уопуттарын дьоҥҥо тарҕатар туһугар «Сылаас дойду үүнээйитэ» күрэһи тэрийэн ыытарга быһаардылар. Күрэс сүрүн бирииһин СӨ Култуураҕа уонна духуобунай сайдыыга министиэристибэтэ туруоруо.
Сүрүн соруга: Саха сирин олохтоохторугар сылаас дойду үүнээйилэрин үүннэрии култууратын билиһиннэрии, дьон уопутун тарҕатыы.
Кыайыылаахтары быһаарыы:
Киирбит сайаапкалартан дьүүллүүр сүбэ үс кыайыылааҕы талыаҕа. Ону таһынан, социальнай ситимҥэ куоластааһын түмүгүнэн дьон биһирэбилин хаһаайына быһаарыллыа. Кыайыылаахтар сыаналаах бириистэринэн наҕараадаланыахтара уонна хаһыакка сырдатыллыахтара.
Кыттыы ирдэбилэ:
1. Саха сиригэр үүммэт эбэтэр сайын эрэ үүнэр оту-маһы, оҕуруот аһын, фруктаны, сибэккини кыһыҥҥы кэмҥэ үүннэрэр дьон кытталлар.
2. Кыттааччылар үүнээйилэрин аттыларыгар бэйэлэрин хаартыскаҕа түһэрэн, ону таһынан видеонан быһаарыы устан, тус уопуттарын кэпсээн ыыталлар.
3. Күрэскэ кыттар матырыйаалы Этот адрес электронной почты защищён от спам-ботов. У вас должен быть включен JavaScript для просмотра. электроннай почтаҕа тохсунньу 19 күнүттэн олунньу 19 күннэригэр диэри тутабыт.
4. Сайаапкалары тутуу бүппүтүн кэннэ биир нэдиэлэ устата дьүүл сүбэтэ үлэлиэ.
5. Дьон биһирэбилин талар куоластааһын ханна, хайдах буоларын «Кыым.ру» телеграм-ханаалыгар биллэриэхпит.
6. Күрэс туһунан 8 (914)-820-09-75 нүөмэртэн ыйытыахха сөп.
«Кыым» хаһыат уонна «Кыым.ру» аан ситим өрөспүүбүлүкэ олохтоохторугар анаан өрүү маннык ураты күрэстэри тэрийэн ыыталлар. Күрэстэр элбэх кыттааччылаах уонна үтүө түмүктээх буолаллар. Манныкка дьон сэргэхсийэрин таһынан, үүнэр-сайдар, айар-тутар баҕата улаатар. Оттон атын ааҕааччылар кинилэри холобур оҥостоллор, үтүктэллэр. Онон, күрэскэ көхтөөхтүк кыттыҥ диэн ыҥырабыт!
Тэрийэр сүбэ.
