Ааспыт сыл балаҕан ыйын 22 күнүгэр СӨ Үрдүкү суута ойуур баһаарын ыытыыга буруйдаммыт Аркадий Еремеевка Үөһээ Халыма суутун таһаарбыт бириигэбэрин көтүрэн, бастакы инстанциялаах суукка төттөрү ыыппыта.
Санатар буоллахха, улуус суута кинини ыам ыйын 18 күнүгэр "2022 сыл от ыйын 27 күнүгэр ойуур уотун ыытан 51 мөл. солк. суумалаах хоромньуну таһаарда" диэн РФ Холуобунай кодексын 261 ыстатыйатын 1 чааһынан буруйдааҕынан ааҕан, 1 сыллаах күһэлэҥ үлэҕэ уонна 700 тыһ. солк. суумалаах ыстараабы судаарыстыбаҕа төлүүрүгэр быһаарбыта.
Бүгүн Орто Халыма суутугар Аркадий Иннокентьевич дьыалатын Бэрэсидьиэн Владимир Путин Ыйааҕынан ааспыт сыл ахсынньытыгар анаммыт Үөһээ Халыма Черскэйдээҕи суутун судьуйата Артемьев саҥаттан көрөр. Судьуйа, Аркадий Еремеев дьыалатыгар силиэстийэ уонна суут таһаарбыт кэһиилэрин барытын көрөн, сиэрдээх быһаарыыны таһаарыа диэн эрэнэбит.
Бэйэ кэр.
