Сахабыт сиригэр саҥа орто оскуола Чурапчы улууһун Мындаҕаайы сэлиэнньэтигэр аһылынна. Эбийиэги үөрүүлээх арыйыыга учууталлары уонна үөрэнээччилэри эҕэрдэлии Ил Дархан Айсен Николаев тиийдэ.
Оскуола 1970 сыллааҕы эргэ мас дьиэтин оннугар билигин икки этээстээх, 2 530 кв. м. иэннээх таас дьиэ сандаарда. Эбийиэк 120 миэстэҕэ анаан тутуллубут. Билигин манна 102 оҕо үөрэнэр уонна 30 учуутал үлэлиир. Үөрэтэр кылаастары таһынан оскуолаҕа успуорт саалата, аактабай саала, остолобуой, бибилэтиэкэ, үлэҕэ үөрэтэр мастарыскыай, мэдиссиинэ блога, гардероб, куруһуок кэбиниэттэрэ бааллар.
Ааспыт 2023 сылга өрөспүүбүлүкэҕэ 6 уһуйаан уонна 14 оскуола киирбитин санатабыт. Оттон быйыл өссө 6 уһуйаан уонна 18 оскуола үлэҕэ киириэхтээх.
Сонун төрдө: СӨ Бырабыыталыстыбатын уонна Ил Дарханын пресс-сулууспата
