«Уһук илиҥҥи тиэргэннэри тупсаҕайдык тутуу» тосхолунан бырайыактары сүүмэрдиир күрэс түмүктэннэ. 49 муниципальнай тэриллииттэн 84 сайаапка киирбититтэн 14 тиэргэни таллылар. Маны олоххо киллэриигэ 102 мөл. солкуобайы көрдүлэр.
«Сотору муниципальнай тэриллиилэри кытта сөбүлэҥ түһэрсиэхпит. Муус устар 1 күнүгэр диэри сакаасчыктар бэдирээччиттэри кытта хантараак түһэрсиэхтэрэ. Ол кэннэ тутуулар саҕаланыахтара. Бастакы эбийиэктэри балаҕан ыйыгар үлэҕэ киллэриэхтэрэ», - диэн СӨ Ил Дарханыгар Архитектура уонна куораты тутуу салалтатын салайааччыта Любовь Папок иһитиннэрдэ.
Тупсаҕайдык тутуллуохтаах тиэргэннэр:
- Дьокуускай к.
Дзержинскэй уул., 45/1, 45/2
Ленин пр., 38
Кузьмин уул., 14
Можайскай уул., 17/8, 17/4
- Нерюнгри куорат
Тимптонскай уул., 3, 3/1
- Алдан к.
Достовалов уул., 8
- Мииринэй к.
Аммосов уул., 98/1, 98/2
Солдатов уул., 2/1
- Удачнай к.
Новый город мкр., 22 №-дээх МКД
- Өлүөхүмэ к.
Урицкай уул., 16, 18
- Нам улууһа, Тумул сэл.
Мира уул., 24
- Аллараа Халыма улууһа, Черскэй бөһ.
Молодежнай уул., 5
- Хаҥалас улууһа, Күөрдэм сэл.
Ленин уул., 27 А
- Чурапчы улууһа, Төлөй-Дириҥ сэл.
Улуу Сыһыы уул., 31
Санатар буоллахха, 2022 сылга Саха сирэ «Уһук Илиҥҥэ 1000 тиэргэн» тосхолунан 846 мөл. солк. ылбыта. Ол түмүгэр 37 куоракка уонна сэлиэнньэҕэ 124 тиэргэн уонна мини-пааркалар тутуллубуттара. Мантан 75 – киин куоракка. 2023 сылга 61 тиэргэни тутууга 429 мөл. солк. көрүллүбүтэ.
Сонун төрдө: СӨ Ил Дарханыгар Архитектура уонна куораты тутуу салалтата
