Киир

Киир

2015 с. Саха сиригэр 27 саастаах уол кэмин иннинэ кырдьан өлбүт. Бу ыарыы билимҥэ киирбит аата – прогерия. Урут биһиги өрөспүүбүлүкэбитигэр маннык ыарыы баара өссө бигэргэнэ да, бэлиэтэнэ да илигэ. Сэдэх ыарыы туһунан СИА-ҕа Мэдиссиинэ национальнай киинин Патологоанатомияҕа салаатын Инпиэксийэ паталогиятыгар отделын салайааччыта Евганий Исаков кэпсээбит.
 
Прогериелаах ыарыһах 2015 с. өлбүт эбит. Евгений Исаков этэринэн, оччолорго Арассыыйаҕа оннук ыарыылаах баара-суоҕа 12 киһи баара үһү.
 
“Эр киһи 27 саастааҕа эрээри, букатын 50-наах курдук дьүһүннээҕэ. Ыарыыта көбөн, сүрэҕинэн өлбүтэ. Баттаҕа муус маҥан, тириитэ мырчыстыбыт, сааһырбыт киһиэхэ тахсар бээтинэлэрдээх (тирии эбирэ), сүрэҕэ, бүөрэ бүтээхтээбит, тымыра уларыйыылаах этэ”, – диэн патологоанатом-быраас кэпсиир.
 
Өрөспүүбүлүкэ 1 №-дээх балыыһатын медико-генетическэй киинин чахчыларынан, билигин Саха сиригэр кэмин иннинэ кырдьар ыарыылаах киһи суох. 
 
Урут Саха сиригэр генигэр оннук кэһиллиилээх киһи баарын быһаарыы ыытыллыбатаҕа. Онон, бу – соҕотох бэлиэтэммит түгэн. Билигин оннук ыарыылаах киһи суох”, – диэн киин үлэһиттэрэ СИА-ҕа кэпсээбиттэр.
 
Ыспыраапка:
 
Прогерия – киһини сааһын иннинэ аһара түргэнник кырытыннарар сэдэх ыарыы. Ыарыы киһи оҕо эрдэҕиттэн биллэн барар уонна эрдэ өлөрөр. Үгэс быһыытынан, оннук ыарыылаах киһи этигэр-сиинигэр дьүөрэтэ суох улахан төбөлөөх, ситэ сайдыбатах, оҕолуу кыратынан хаалбыт сыҥаахтаах, мырчыстаҕас тириилээх буолар. Прогериялаах дьон, ортотунан, 7 – 28 сыл олороллор. Сүрүннээн, тымыр быһа барыытыттан, сүрэх үлэтин кэһиллиититтэн өлөллөр.
 
Хаартыскаҕа: Сэмми Бассо, Италияттан төрүттээх, прогериялаах уопсастыбанньык, сырдатааччы, суруйааччы, учуонай.
 
Хаартыска төрдө: Дзен       

Санааҕын суруй

Бүтэһик сонуннар