Киир

Киир

Госдума дьокутааттара үһүс ааҕыыга “наливайкалар” туһунан сокуону ылыннылар. Мантан антах эрэстэрээннэргэ, бардарга, кафеларга, буфеттарга пиибэ, сидр уонна да атын итирдэр утахтары атыылыыр ирдэбили итиэннэ элбэх квартиралаах дьиэлэргэ уонна онно сыстар территорияларга баар уопсастыбаннай аһылык (эрэстэрээннэртэн ураты) туочукаларыгар арыгы атыыланар бириэмэтин хааччахтыыр быраабы эрэгийиэннэр бэйэлэрэ быһаарар, олохтуур кыахтаннылар.
 
“Элбэх квартиралаах дьиэлэр олохтоохторуттан олус элбэх үҥсүү киирэр. Дьон “наливайкалар” күнүс көннөрү маҕаһыын курдук үлэлииллэр, оттон түүнүн арыгыны атыылыыллар, онно араас мөкү дьон мустар, тыаһыыллар-ууһууллар, айдаараллар, дьон нуһараҥнык олороругар мэһэйдииллэр” диир”, – диэн Судаарыстыбаннай Дуума бэрэссэдээтэлэ Вячеслав Володин телеграм ханаалыгар суруйар.
 
Кини этэринэн, бу иннинэ Арассыыйа субъектара улахан кыраадыстаах (крепкай) арыгы атыыланар бириэмэтин хааччахтыыр бырааптаахтара. Оттон судаарыстыба таһымынан “наливайкалар” туһунан сокуон ылыныллыбытын түмүгэр, эрэгийиэннэр ити эйгэни эмиэ бэрээдэктиир кыахтаннылар.
 

Хаартыска: Интерпресс/Замир Усманов

Санааҕын суруй

Бүтэһик сонуннар