СӨ Бырабыыталыстыбатын бэрэссэдээтэлин солбуйааччыта Георгий Степанов бу сыл олунньу 2 күнүнээҕи иһитиннэриитинэн, байыаннай сулууспалаах 225 төрөппүтүгэр сонотуоруйга-куруорка эмтэнэр кыах биэрдилэр. 225 дьиэ кэргэн чилиэнэ байыаннай сулууспалаах эмтэнэр сиригэр тиийэргэ, 85 дьиэ кэргэн олорор дьиэҕэ гаас киллэриитигэр көмө ылла.
«Анал байыаннай дьайыы 496 кыттыылааҕа уонна дьиэ кэргэн 811 чилиэнэ доруобуйа харыстабылын уонна социальнай өҥө тэрилтэлэригэр реабилитацияны аастылар. Мэдиссиинэ көмөтүн 2628 байыаннай сулууспалаах уонна дьиэ кэргэн 2618 чилиэнэ туһаннылар», – диэн вице-премьер чопчулаата.
Маны сэргэ, СВО кыттыылаахтарын дьиэ кэргэттэриттэн 1 684 киһи дьиэ-уот, хомунаалынай өҥө, хапытаалынай өрөмүөн төлөбүрүн пенитыттан босхоломмуттар.
Сонун төрдө: СӨ Бырабыыталыстыбатын уонна Ил Дарханын пресс-сулууспата.
