Киир

Киир

АҺАҔАС КЭПСЭТИИГЭ ЫҤЫРАБЫТ

“Хаапыдыра”, “бэликилииньикэ”, “дүбүлүөҥкэ” (дубленка), “лүмэнээт” (лимонад), “импэрмээссийэ”, “морполуогуйа” (морфология), “сиинтэксис” (синтаксис), “бэньиэтикэ” (фонетика) уо.д.а. диэн суруйуу-саҥарыы төһө бэрдий, олоххо кыайан киириэ-тарҕаныа дуо? Уопсайынан, ити төһө кэскиллээх көстүүнүй? Бу маннык “сахатытыы” бүтэр уһуга-кыраайа, туттуллар кыраныыссата төһөөҥҥө диэри барарый, ханна тиийэн түмүктэнэрий! Уонна, ону саха дьоно ону хайдах ылыналларый?
 
Олунньу 12 күнүгэр, бэнидиэнньиккэ, киэһэ 16 чаастан СӨ Национальнай бибилэтиэкэтин Устуоруйатын саалатыгар “Кыым” хаһыат киирии тыллар дорҕооннорун сахатытан туттуу туһунан аһаҕас кэпсэтиини тэрийэр. 
 
 
Кэпсэтиигэ саха тылын үөрэхтээхтэрэ, идэтийбит учуонайдар, уопсастыбанньыктар кыттыахтара. Баҕалаах дьон ону кэлэн истиэххитин сөп.

 

"Кыым" эрэдээксийэтэ

Төл.: 8 (4112) 42-21-08

Сэҥээриилэр

Өндөрөй
-1 Өндөрөй 10.02.2024 22:28
"Институ" бэйэтинэн хаалар буоллаҕа.
Саха литературнай тыла ыарахан ону дөссө ыарахан тоҕо оҥоро сатыыгыт.
Киhи аныгы суругу ыарырҕатан ааҕар тоҕо диэтэргэ сахалыы хайа да дьон тылбасстабаккыт. Холобура "АХШ - Америка Холбоhуктаах Штаттара" диэн - мантын отой сыыhа тылбаас. Дьиҥэ маннык буолуохтаах - "Биирдэспит Эмэрик Стааттара" тоҕо диэтэргэ "unit" аҥлискайдан "биир" диэн (нуччалыы "единица"), "united" - "биирдэспит, биир буолбут". Ол иhин нуучалар "соЕДИНенные" дииллэр. Америка сахалыыта "Эмэрик" диэн - Пекарскай тылдьытын көрүн (бастакы том, 250 сирэй). Саха тылыгар "ш" дорҕоон суох онон "штат" "стаат" буолар. Тылбастыыр буоллаххытына киhилии тылбастаан.
Ответить

Санааҕын суруй

Бүтэһик сонуннар